“İnter”in hücumçusu Markus Türam İngiltərə Premyer Liqası təmsilçilərinin maraq dairəsinə düşüb.
Sportinfo.az xarici KİV-ə istinadən xəbər verir ki, İngiltərənin bəzi klubları fransalı forvardı yay transfer dövründə heyətinə qatmaq imkanını nəzərdən keçirir. Hələlik həmin komandaların adları açıqlanmayıb.
28 yaşlı futbolçuya Avropanın digər çempionatlarından da ciddi maraq olduğu bildirilir. Konkret danışıqların dünya çempionatından sonra başlanacağı ehtimal edilir.
Türamın “İnter”lə müqaviləsinin müddəti 2028-ci ilin ortalarına kimidir. O, cari mövsümdə keçirdiyi 31 oyunda 12 qol vurub və 5 məhsuldar ötürmə verib.
