“Yuventus”un yarımmüdafiəçisi Ueston Makkenni klubu ilə müqaviləsinin müddətini uzatmaq barədə razılığa gəlmək üzrədir.
Sportinfo.az xarici KİV-ə istinadən xəbər verir ki, tərəflər bütün detallar üzrə razılığa gəlib və rəsmi açıqlamanın yaxın günlərdə veriləcəyi gözlənilir.
Hazırkı anlaşmanın müddəti yayda başa çatacaq.
Amerikalı futbolçunun bazar dəyəri təxminən 22 milyon avro qiymətləndirilir.
O, cari mövsümdə “Yuventus”un heyətində 36 oyunda iştirak edib, 7 qol vurub və eyni sayda məhsuldar ötürmə verib.
