“Mançester Yunayted”in müdafiəçisi Nussair Mazraui yenidən “Yuventus”un maraq dairəsinə düşüb.
Mərakeşli futbolçunun Turin klubuna mümkün transferi ilə bağlı söhbətlər ötən ilin yayında da gündəmdə olmuşdu.
Sportinfo.az “Gazzetta dello Sport”-a istinadən xəbər verir ki, “Yuventus” Mazrauini yenidən hədəfə alıb.
28 yaşlı müdafiəçi 2026-cı il dünya çempionatı ərəfəsində “Mançester Yunayted”dən ayrılmaq variantını ciddi şəkildə nəzərdən keçirir. Onun İngiltərə klubu ilə müqaviləsinin müddəti 2028-ci ilin ortalarına qədərdir.
