İtaliya millisinin sabiq hücumçusu Roberto Baccio 1994-cü ildə Braziliya yığmasına qarşı keçirilən dünya çempionatının finalında qaçırdığı penalti barədə danışıb.

Sportinfo.az xarici KİV-ə istinadən xəbər verir ki, o, bunu deyib:

“Braziliyaya qarşı dünya çempionatının finalını xəyal edərək böyümüşəm. Dəqiq səbəbini xatırlamıram, amma bu qol uşaqlıqdan və bütün həyatım boyu mənimlə qalıb.

Mən özümü həmişə adi bir insan hesab edirdim. Hamı kimi. Özümü heç vaxt xüsusi hesab etmirdim.

Məndə yalnız futbola idarəolunmaz bir ehtiras var idi. Səhərdən axşama qədər insanın içində bir şey oyadan bir ehtiras.

Mən sözün əsl mənasında topla yatırdım. Bu dünya kubokunu qazanmaq üçün hər şeydən imtina edərdim.

Mən İtaliyanı təmsil edirdim, həmişə bu məqsədə can atırdım. Yatmazdan əvvəl son düşüncəm bu dünya kubokunu necə qazanmaq idi.

Bəlkə də başla qol vurmaq. Sonra hər şey heç vaxt təsəvvür edə bilməyəcəyim bir şəkildə oldu və mən bunu heç vaxt unutmayacam.

Finiş xəttinə cəmi bir addım. Futbol karyeramın ən böyük acısı, inanılmaz şəxsi faciə, mən hələ də bu yükü içimdə daşıyıram.

Üç dünya çempionatında oynamışam. İtaliyada 1990-cı ildə altı oyunda qazanaraq və bir heç-heçə edərək üçüncü yeri tutduq. Üç dünya kubokunu penaltilərlə uduzdum, bunu həzm etmək asan deyil”.

DÇ-nin final oyununda İtaliya millisi Braziliya yığmasına məğlub olub (0:0, penaltilərlə 2:3).