Daniele De Rossi “Cenoa”nın baş məşqçisi postuna gətiriləcək.
Sportinfo.az xarici KİV-ə istinadən xəbər verir ki, 42 yaşlı mütəxəssis bu gün Milanda klub rəhbərliyi ilə görüşəcək və müqavilənin şərtlərini müzakirə edəcək.
O, daha əvvəl “Roma” və SPAL (İtaliya) komandalarını çalışdırıb, ancaq hər iki klubda səkkiz aydan çox işləməyib.
“Cenoa” hazırda A Seriyasında çətin mövsüm keçirir. Komanda 10 turdan sonra cəmi 6 xal toplayaraq, turnir cədvəlinin 18-ci pilləsində qərarlaşıb və düşmə zonasındadır.
“Cenoa” növbəti turda, noyabrın 9-da doğma meydanda “Fiorentina” ilə qarşılaşacaq.
