“Yuventus” yaxın saatlarda baş məşqçi postuna Luçano Spallettinin təyin olunduğunu rəsmən elan edəcək.
Sportinfo.az xarici KİV-ə istinadən xəbər verir ki, Turin klubu 66 yaşlı mütəxəssislə razılığa gəlib və müqavilənin bu gün rəsmiləşdirilməsi gözlənilir.
Spalletti ilə müqavilənin müddəti mövsümün sonunadək nəzərdə tutulub, ancaq komanda Çempionlar Liqasına vəsiqə qazanacağı təqdirdə, anlaşmanın müddəti 2027-ci ilin yayına qədər uzadılacaq.
İtaliyalı çalışdırıcı ilk məşqini sabah keçirəcək.
Komandanın Spallettinin rəhbərliyi altında ilk oyunu noyabrın 1-də baş tutacaq və rəqib “Kremoneze” olacaq.
“Yuventus”un əvvəlki baş məşqçisi İqor Tudor uğursuz nəticələr səbəbindən bir neçə gün öncə istefaya göndərilmişdi.
