“İnter”in idman direktoru Pyero Ausilio “Santos”un braziliyalı hücumçusu Neymarın komandaya keçəcəyinə dair yayılan məlumatları təkzib edib.
Sportinfo.az xarici KİV-ə istinadən xəbər verir ki, Milan klubunun rəsmisi bunun absurd olduğunu bildirib:
“Neymar “İnter”ə keçir? Yox, bu, absurddur. Biz heç vaxt onunla danışmamışıq və heç kim də bunu bizə təklif etməyib. Bütün bunlar tam yalandır”.
33 yaşlı futbolçu Braziliya çempionatında cari mövsümdə 13 oyuna çıxıb və 3 qol vurub.
