"İnter" hücumçusu Lautaro Martinesi satmağa hazırdır.
Sportinfo.az xəbər verir ki, argentinalı futbolçunu almaq istəyən klub 80 milyon avro ödəməlidir.
Məlumata görə, hücumçunun xidmətində Londonun iki klubu - "Tottenhem" və "Arsenal" maraqlıdır.
O da bildirilir ki, Martines Milan klubundakı durumundan razıdır və başqa kluba keçmək niyyətində deyil.
24 yaşlı hücumçu bu mövsüm A Seriyasında 29 oyunda 15 qol vurub və 3 məhsuldar ötürmə edib. O, Çempionlar Liqasında meydana çıxdığı səkkiz görüşdə də 1 dəfə fərqlənib.
Martinesin İtaliya klubu ilə müqaviləsi 2026-cı ilin yayında başa çatır. Argentinalı hücumçunun bazar dəyəri “Transfermarkt” tərəfindən 70 milyon avro olaraq qiymətləndirilir.