Böyük ehtimalla, Hakan Çalhanoğlu “Milan”la yeni müqavilə bağlayacaq.
Sportinfo.az xəbər verir ki, bu yöndə aparılan danışıqlarda irəliləyiş olduğu bildirilir.
27 yaşlı türk futbolçu ilə klub rəhbərliyi arasında gedən müzakirələr müsbət nəticələnib.
Hakan son danışıqları “Milan”ın idman direktoru ilə aparıb. Maraqlıdır ki, bu danışıqlarda onun agenti iştirak etməyib.
Bundan sonra bəzi kiçik detalların razılaşdırılması qalır. Onlarla bağlı da razılıq əldə edildikdən sonra rəsmi açıqlama veriləcəyi gözlənilir.
Hakan “Milan”da 2017-ci ildən çıxış edir.
.jpg)
