.jpg)
İtaliya A Seriyasının 19-cu turu çərçivəsində “Atalanta”ya 0:3 hesabı ilə məğlub olan “Milan”ın baş məşqçisi Stefano Pioli oyundan sonra açıqlama verib.
Sportinfo.az xəbər verir ki, mütəxəssis çətin oyun keçdiyini bildirib:
“Atalanta” işimizi çox çətinləşdirdi. İkinci qol oyunun taleyini həll etdi. Vaxtımız vardı, amma oyunda geri dönüş edə bilmədik.
“Atalanta” bizdən daha yaxşı oynadı. Fiziki cəhətdən daha güclü komandaya məğlub olduq. “Atalanta”ya məğlubiyyət utancverici deyil.
Çətin, rəqabətli çempionatda mübarizə aparırıq, amma liderliyimizi qorumaq istəyirik”.
