İtaliya millisinin sabiq hücumçusu Mario Balotellinin yeni klubu rəsmən müəyyənləşib.
Sportinfo.az xəbər verir ki, 30 yaşlı futbolçu bundan sonra B Seriyası təmsilçisi “Monza”nın uğurları üçün çalışacaq.
Bu barədə İtaliya klubunun saytı məlumat yayıb. O, yeni klubuna azad agent kimi keçib. Balotelli ilə 2021-ci ilin iyununa kimi müqavilə imzalanıb.
Balotelli ötən mövsüm A Seriyası təmsilçisi “Breşiya”da oynayıb. O, 2019/20 mövsümündə İtaliya çempionatının 19 matçında 5 qol vurub.
.jpg)
