"Barselona"nın ulduzu Lionel Messinin karyerasını harada davam etdirəcəyi ilə bağlı təfərrüatlar bəlli olub.
Sportinfo.az xəbər verir ki, 33 yaşlı hücumçunun 2021-ci ilin yayınadək Kataloniya komandasında qalma ehtimalı 90 faizdir.
Nəşrin yazdığına görə, bu gün Messinin klubdakı taleyi üçün həlledici olacaq. Britaniya mətbuatı Lionel Messinin "Mançester Siti" ilə anlaşdığını yazıb.
Hücumçu 2004-cü ildən "Barselona"nın əsas komandasında çıxış edir. 33 yaşlı forvard bu müddət ərzində bütün turnirlər daxil olmaqla, 731 matçda meydana çıxıb, 634 qol və 285 məhsuldar ötürmə ilə yadda qalıb.
