"İnter" Avropanın bir neçə klubunun transfer siyahısında yer alan müdafiəçi Federiko Dimarkonun müqaviləsinin müddətini artıracaq.
Sportinfo.az xəbər verir ki, bu barədə insayder Əkrəm Konur məlumat yayıb.
A Seriyası nəhəngi artıq İtaliya milli komandasının üzvü ilə şifahi razılıq əldə edib.
Tezliklə 28 yaşlı sol cinah müdafiəçisi ilə 2031-ci ilin 30 iyun tarixinə kimi nəzərdə tutulan yeni sözləşmə imzalanacaq.
Federiko Dimarko "İnter"in yetirməsidir. Təcrübəli futbolçu cari mövsümdə Milan təmsilçisinin heyətində meydana çıxdığı 11 rəsmi matçda 2 məhsuldar ötürmə ilə yadda qalıb.
