“Real”ın hücumçusu Vinisius Junior klubla yeni müqavilə imzalamağa yaxındır.
Sportinfo.az “The Athletic”-ə istinadən xəbər verir ki, braziliyalı futbolçu danışıqlar zamanı irəli sürdüyü bəzi tələblərdən geri çəkilməyə hazırdır.
Əsas fikir ayrılığı Vinisiusun müqavilənin uzadılması üçün bonus istəməsi olub. “Real” isə bunun digər futbolçular üçün problem yaradacağından ehtiyat edərək, bu şərti qəbul etməyib.
26 yaşlı hücumçu indiyədək Madrid klubunun heyətində 375 rəsmi oyuna çıxıb, 128 qol vurub və 100 məhsuldar ötürmə edib.
