“Barselona” “Bornmut”un hücumçusu Eli Junior Krupinin transfer imkanını nəzərdən keçirir.
Sportinfo.az ESPN-ə istinadən xəbər verir ki, Kataloniya klubunun əsas hədəfi “Atletiko”nun hücumçusu Xulian Alvaresdir.
Ancaq Madrid təmsilçisi argentinalı futbolçunu satmaq niyyətində olmadığından, “Barselona” alternativ variantlar üzərində işləyir və artıq 20 yaşlı Krupinin mümkün transferinin şərtlərini öyrənib.
Fransalı forvard 2025/26 mövsümündə İngiltərə Premyer Liqasında keçirdiyi 33 oyunda 13 qol vurub.
Krupinin “Bornmut”la müqaviləsinin müddəti 2030-cu ilin yayına qədərdir. “Transfermarkt” portalı onun dəyərini 70 milyon avro qiymətləndirir.
