“Atalanta”nın yarımmüdafiəçisi Ederson karyerasını İngiltərə Premyer Liqasının top-klublarından birində davam etdirə bilər.
Sportinfo.az “Football Insider”-ə istinadən xəbər verir ki, “Liverpul” braziliyalı futbolçuya maraq göstərir.
Mersisayd klubu 26 yaşlı oyunçunu yanvar transfer pəncərəsində heyətinə qatmağı planlaşdırır.
“Transfermarkt”də Edersonun bazar dəyəri 45 milyon avrodur. Onun klubu ilə hazırkı müqaviləsinin müddəti 2027-ci ilin ortalarına qədərdir.
Ederson cari mövsümdə “Atalanta” ilə 13 oyunda iştirak edib, 1 qol vurub və 1 məhsuldar ötürmə verib.
“Liverpul” “Qarabağ”ın UEFA Çempionlar Liqasındakı rəqiblərindən biridir.
.jpg)
.jpg)
