“Liverpul” müdafiə xəttini gücləndirmək üçün nəzərdə tutulan əsas namizədlərdən biri - Almaniya yığmasının və Dortmund “Borussiya”sının futbolçusu Niko Şlotterbeki transfer etmək planlarından vaz keçib.
Sportinfo.az xəbər verir ki, bu barədə “Mirror” nəşri məlumat yayıb. Mersisayd klubu 26 yaşlı müdafiəçi uğrunda mübarizəni dayandırıb.
Halbuki ingilislər onu yanvar transfer pəncərəsində heyətə qatmağı nəzərdə tuturdular.
Şlotterbekin “Borussiya” ilə müqaviləsinin müddəti 2027-ci ilin ortalarına kimidir. O, bu mövsüm Dortmund təmsilçisinin heyətində 14 matçda iştirak edib və 2 məhsuldar ötürmə verib.
“Liverpul” “Qarabağ”ın UEFA Çempionlar Liqasındakı rəqiblərindən biridir.
