“Liverpul”un kapitanı Vircil van Dayk Premyer Liqanın 12-ci turunda evdə “Nottingem Forest”ə məğlubiyyətdən (0:3) sonra komandasının oyunu barədə fikirlərini bölüşüb.
Sportinfo.az “Sky Sports”-a istinadən xəbər verir ki, o, kifayət qədər yaxşı çıxış etmədiklərini söyləyib:
“Çoxlu asan qol buraxırıq. İlk yarım saatda həqiqətən yaxşı idik, əla qol şansları yaratdıq.
Sonra onlar yenə də standart zərbədən qol vurdular. Nəticədə, biz sadəcə kifayət qədər yaxşı deyildik.
“Döyüş”lərdə, duellərdə çox tələsik idik. Hazırda çox çətin vəziyyətdəyik. Qol buraxdıqdan sonra əsəbiləşirsən.
Tələsirik, mümkün qədər tez hesabı bərabərləşdirməyə çalışırıq. Həqiqətən də, çox çətin vəziyyətdəyik və bundan çıxmalıyıq.
Məsuliyyəti öz üzərimizə götürməliyik. Futbol komanda oyunudur.
Bunun öhdəsindən gəlməli və daha da çox çalışmalıyıq. Bunu bu mövsüm dəfələrlə demişəm, işlər yaxşı getmir, amma davam etməliyik”.
“Liverpul” “Qarabağ”ın UEFA Çempionlar Liqasındakı rəqiblərindən biridir.
