“Mançester Yunayted” cari transfer pəncərəsi bağlanana qədər 4 futbolçu ilə yollarını ayıra bilər.
Sportinfo.az “Sky Sports”-a istinadən xəbər verir ki, “qırmızı şeytanlar”ın heyətini bu futbolçular tərk edə bilər: hücumçu Rasmus Hoylund, hücumameyilli yarımmüdafiəçilər Ceydon Sanço, Antoni və Alexandro Qarnaço.
“Mançester Yunayted” portuqaliyalı mütəxəssis Ruben Amorimin rəhbərliyi altında 2024/25 mövsümünü uğursuz keçirib.
Komanda 38 turda cəmi 42 xal toplayıb və Premyer Liqanın turnir cədvəlini 16-cı pillədə başa vurub.
