"Çelsi" heyətini yeni futbolçu ilə gücləndirib.
Sportinfo.az xəbər verir ki, Premyer Liqa təmsilçisi "Leyptsiq"dən Kristofer Nkunkunu rənglərinə bağlayıb. Bu barədə London klubunun rəsmi saytı məlumat yayıb.
"Çelsi" 25 yaşlı vingerlə 2029-cu ilin yayına kimi nəzərdə tutulan müqavilə imzalayıb. "Zadəganlar" fransalı oyunçu üçün Almaniya klubuna 60 milyon avro ödəyəcək.
"Leyptsiq" Kristofer Nkunkunu 2019-cu ilin yayında Paris klubundan transfer etmişdi.
Fransa millisinin üzvü Bundesliqa təmsilçisinin heyətində bütün turnirlərdə meydana çıxdığı 172 rəsmi matçda 70 qol və 56 məhsuldar ötürmə ilə yadda qalıb.
