"Mançester Yunayted"in hücumçusu Kriştiano Ronaldonun İngiltərə Premyer Liqasının 10-cu turunda "Everton"la matçda (2:1) vurduğu qolu qeyri-adi üslubda qeyd etməsinin səbəbi məlum olub.
Sportinfo.az xəbər verir ki, komanda oyunçuları bəzən portuqaliyalı futbolçunun təyyarədə yatmaq formasına görə onunla zarafat edirlər.
O, oturacağı arxaya əymir və demək olar ki, 90 dərəcə vəziyyətdə, əllərini sinəsinə qoyaraq yatır. Ronaldo məhz yatdığı formada vurduğu qolu qeyd edib.
37 yaşlı futbolçu "Everton"la matçda (2:1) bu mövsüm Premyer Liqada ilk, klub karyerasında isə 700-cü qolunu vurub.
