"Çelsi" müdafiə xəttini yeni futbolçu ilə gücləndirib.
Sportinfo.az xəbər verir ki, London təmsilçisi "Lester Siti"nin mərkəz müdafiəçisi Uesli Fofananı transfer edib.
Premyer Liqa klubu fransalı müdafiəçi ilə 7 illik müqavilə imzalayıb. "Çelsi"nin 21 yaşlı futbolçu üçün qarşı tərəfə 85 milyon avro ödədiyi bildirilir.
Uesli Fofana "Lester Siti"yə 2020-ci ilin yayında "Sent-Etyenn"dən transfer olunub.
Gənc oyunçu "tülkülər"in heyətində meydana çıxdığı 52 rəsmi matçda 1 qol və 1 məhsuldar ötürmə ilə yadda qalıb.
