“Mançester Siti”nin baş məşqçisi Xosep Quardiola Çempionlar Liqasının 1-ci turu çərçivəsində “Leypziq”ə (6:3) qarşı keçirilən görüşün gedişində Riyad Mahrez və Cek Qrilişlə kiçik mübahisəsi haqda danışıb.
Sportinfo.az xəbər verir ki, ispaniyalı mütəxəssis müdafiədəki problemlərdən narazı olduğuna görə futbolçulara qışqırdığını bildirib:
“Fasilədə onlara nə etmək lazım olduğunu dedim. Ancaq onlar bunu etmədi. Mübahisələr olur, normaldı.
Rəqib əks-hücumlara yaxşı çıxırdı. Vəziyyəti idarə etmək çətin idi. Məhz buna görə də onlara göstərişlər verirdim".