İtaliya yığmasının sabiq futbolçusu Antonio Kassano PSJ-nin baş məşqçisi Maurisio Poçettino haqda danışıb.
Sportinfo.az xəbər verir ki, Kassano Poçettinonun Paris klubundakı fəaliyyətini tənqid edib.
O, Maurisio haqda yaxşı sözlər deyilmədiyini də vurğulayıb:
“Poçettinonun PSJ karyerası qısa sürəcək. Onun haqda yaxşı sözlər demirlər. O, insan kimi möhtəşəmdir, amma məşqçi kimi...
Onun, hətta bir dəqiqəlik də taktikası yoxdur. Necə oynamaq lazım gəldiyini futbolçulardan soruşur. Heç vaxt çempionları çalışdırmayıb. İndi isə böyük klubda faciənin astanasındadır”.
Poçettino PSJ-ni 2021-ci ilin yanvarından çalışdırır.