PSJ rəhbərliyi komandanın vingeri Desire Due ilə yeni müqavilə imzalamağa ümid edir.
Sportinfo.az xarici KİV-ə istinadən xəbər verir ki, Paris klubu artıq 21 yaşlı futbolçuya yeni sözləşmə təklif edib.
Yeni müqavilənin müddəti 2031-ci ilin ortalarına qədər nəzərdə tutulub. Razılaşmaya oyunçunun maaşının əhəmiyyətli dərəcədə artırılması da daxildir.
Due özü də gələcəyini PSJ ilə bağlamağa hazırdır.
Fransalı futbolçu PSJ-yə 2024-cü ildə 50 milyon avro qarşılığında “Renn”dən keçib.
Onun hazırkı müqaviləsinin müddəti 2029-cu ilin yayına qədərdir. “Transfermarkt” portalı Duenin dəyərini 120 milyon avro qiymətləndirir.
PSJ ölkə çempionatında növbəti oyununu bazar günü, səfərdə “Marsel”ə qarşı keçirəcək.
