Nigeriya millisinin sabiq futbolçusu İfeanyi Corc 26 yaşında ikən avtomobil qəzasında dünyasını dəyişib.
Sportinfo.az xəbər verir ki, keçmiş hücumçunun idarə etdiyi "Infiniti" yük maşınına çırpılıb.
Hadisə nəticəsində minik maşınındakı iki sərnişin də ölüb. Onlardan biri Corcun "Enuqu Reyncers"dəki komanda yoldaşı Emmanuel Oqbu olub.
Avtomobildəkilər koronavirus üzündən çempionat dayandırıldığı üçün Enuqu şəhərindən Laqosa gedirmiş.
İfeanyi Corc "Enyimba" komandasının yetirməsi idi. O, cari mövsüm Nigeriya çempionatında 14 oyuna 5 qol müəllifi olmuşdu. 2017-ci ildə isə Corc Nigeriya yığmasında 2 matç keçirmişdi.
