.jpg)
“Sabitlik yoxdur, çünki Azərbaycanda son vaxtlar tez-tez məşqçi dəyişir“.
Sportinfo.az xəbər verir ki, bunu Azərbaycan millisinin sabiq müdafiəçisi Maksim Medvedev deyib.
Keçmiş kapitan yığmanın Avropa çempionatına vəsiqə qazanan Gürcüstan və Ukraynanın uğurunu təkrarlaya bilməməsini qeyri-sabitlikdə görür:
“Hər kəs öz mentaliteti və fəlsəfəsi ilə komandaya gəlir. Məsələn, klublarda müdafiəçilərin bəziləri 4-lü, bəziləri 5-li oynayır.
Komanda bir-birinə öyrəşməlidir. Ancaq müxtəlif sxemlərə görə bu, çətindir.
Məşqçilərin tez-tez dəyişməsi səbəbindən komanda öz oyun sistemini tapa bilmirdi. Həmçinin gənclərdən ibarət komandaları da gücləndirmək lazımdır”.
O, Avropa çempionatında komanda sayının 24-ə yüksəldilməsini zəif millilər üçün şans hesab edir:
“Bu dəyişikliklər ona görə idi ki, nisbətən aşağı səviyyədə olan komandaların vəsiqə qazanmaq şansı olsun. Bu, müsbət tendensiyadır”.
Maksim Medvedev 2009-2022-ci illərdə Azərbaycan millisinin heyətində 81 oyun keçirib, 4 qol vurub.
