“İnter”in sabiq yarımmüdafiəçisi Marselo Brozoviç karyerasını harada davam etdirəcəyinə qərar verməyib.
Sportinfo.az xarici KİV-ə istinadən xəbər verir ki, 33 yaşlı futbolçu ilə bir neçə klub maraqlanır.
Brozoviç uğrunda “Fiorentina”, “Trabzonspor” və Səudiyyə Ərəbistanının “Əl-İttihad” klubları mübarizə aparır.
Xorvatiyalı futbolçu hazırda azad agent statusundadır.
Brozoviç son üç mövsümü “Əl-Nəsr”də keçirib. O, Səudiyyə Ərəbistanı klubunun heyətində ümumilikdə 124 oyuna çıxıb, 8 qol vurub və 23 məhsuldar ötürmə verib.
Onun transfer dəyəri 8 milyon avro qiymətləndirilir.
