“İnter Mayami”nin hücumçusu Lionel Messinin həyat yoldaşı Antonela Rokkuzzo futbolçunun Argentina millisindən ayrılmaq qərarına münasibət bildirib.
Sportinfo.az xarici KİV-ə istinadən xəbər verir ki, o, bunu deyib:
“Bu mərhələni belə başa vurduğunu görmək necə də qürurvericidir, Lionel Messi! O qədər illər, o qədər anlar, o qədər sevinc, eyni zamanda o qədər zərbələr olub”.
39 yaşlı futbolçu yığma komandanın heyətində 207 oyun keçirib, 125 qol vurub və 68 məhsuldar ötürmə edib.
2026-cı il dünya çempionatının finalında Argentina millisi İspaniya yığmasına əlavə vaxtda 0:1 hesabı ilə məğlub olub.
