"Formula 1" üzrə ikiqat dünya çempionu Fernando Alonso "Renault" komandasına qayıtmağa yaxındır.
Sportinfo.az xəbər verir ki, spaniyalı pilot Fransa komandası ilə ciddi danışıqlar aparıb və ilkin razılıq əldə edib.
Onun 3 gün öncə "McLaren"ə keçən Daniel Rikkardonu əvəzləyəcəyi gözlənilir. Alonsonun "Renault"a transferi komandanın koronavirus pandemiyasının yaratdığı maliyyə çətinlikləri fonunda "Formula 1" proqramına dəstək verib-verməyəcəyindən asılı olacaq.
Fernando Alonso 2005-2006-cı illərdə məhz "Reanult" komandasının heyətində dünya çempionluğunu qazanıb. 39 yaşlı pilot 2016-cı ildə Azərbaycanda keçirilmiş Avropa Qran-prisinin səfiri olub.