Türkiyənin Qadınlar Super Liqasının mərkəzi oyununda Azərbaycan millisinin iki futbolçusu üz-üzə gəlib.
Sportinfo.az xəbər verir ki, Kristina Bakarandzenin çıxış etdiyi "Qalatasaray" Nazlıcan Parlakın formasını geyindiyi "Fənərbağça"nı qəbul edib.
Hər iki futbolçu 90 dəqiqə meydanda olubş.
Sarı-qırmızılı komanda kişi həmkarlarından geri qalmayaraq, oyunda qalib gəliblər.
İstanbul derbisində “Qalatasaray”a 2:0 hesablı qələbə qazandıran qolları 45+3-cü dəqiqədə Yağmur, 62-ci dəqiqədə isə Ebru vurub.
Bu nəticədən sonra xalını 30-a yüksəldən “Cim-Bom” həftəni 2-ci pillədə başa vurub. “Fənərbağça” isə 22 xalla 3-cü pillədə qalıb.
Yanvarın 8-də kişi komandalarının qarşılaşmasında da məhz “aslanlar” üstün tərəf olublar (3:0).