“Qarabağ” Premyer Liqada 10 turdan sonra qonaq kimi uduzmayan yeganə komanda olaraq qalıb.
Sportinfo.az xəbər verir ki, ağdamlılar “Qəbələ” ilə qolsuz bərabərə qalıblar.
“Qarabağ” cari mövsüm 5 səfər görüşünün yalnız ikisində qələbə qazana bilib.
“Sabah”ın uğurlu səfər seriyası isə Tovuzda qırılıb. Son çempion 5-ci səfər qarşılaşmasında ilk məğlubiyyətini alıb (2:3).
“Zirə” hələ də səfərdə aktivinə 3 xal yazdıra bilməyib. Qəsəbə komandası son olaraq “Araz-Naxçıvan”la qollu (2:2) heç-heçə ilə kifayətlənib.
Zirəlilər 4 səfər matçının 2-də xalsız qalıb. “Zirə” ilə yanaşı, “Sumqayıt” və “Araz-Naxçıvan”ın da səfər qələbəsinin olmadığını qeyd etmək lazımdır.
