Moldovada yeni futbol mövsümü başlayıb.
Sportinfo.az xəbər verir ki, Azərbaycanın gənclərdən ibarət yığmasının sabiq üzvü Dmitri Nağıyevin formasını geyindiyi "Dinamo-Avto” da yeni mövsümdə ilk matçına çıxıb.
Nağıyevin komandası "Floreşti”ni qəbul edib və 3:1 hesablı qələbə qazanıb. Millimizin sabiq müdafiəçisi də bu görüşün iştirakçısı olub.
O, start heyətdə meydana çıxıb və sonadək mübarizə aparıb. Komandasının ilk qolunu da Dmitri vurub. O, 39-cu dəqiqədə fərqlənməklə həm də Moldova çempionatında yeni mövsümün ilk qolunun müəllifinə çevrilib.