Çempionlar Liqasındakı təmsilçimiz “Qarabağ” “Ferenetsvaroş”la cavab matçına hazırlaşır.
Bakıdakı növbəti oyun avqustun 27-də baş tutacaq ki, qonaqların səfər planına aydınlıq gəlib.
Macarıstan çempionu ölkəmizə görüşdən bir gün əvvəl təşrif buyuracaq. Təyyarənin enişi saat 18:30-a nəzərdə tutulub.
Bu isə o deməkdir ki, “Ferentsvaroş”un baş məşqçisi Robbi Kin Bakıda oyunöncəsi son məşqə ehtiyac duymayıb.
İrlandiyalı mütəxəssis avqustun 26-sı saat 20:00-da mətbuat konfransında jurnalistlərin suallarını cavablandıracaq.
Macarlar şəhərimizin dəbdəbəli məkanlarından olan “Hilton” otelində məskunlaşacaq.
Budapeştdəki ilk qarşılaşma 3:1 hesabı ilə “Qarabağ”ın xeyrinə başa çatıb.
Tofiq Bəhramov adına Respublika stadionunda baş tutacaq cavab dueli saat 20:45-də start götürəcək.
HƏBİB / SPORTİNFO.AZ
.png)
.jpg)
