.png)
Qurban Qurbanov baş məşqçi karyerasında 700-cü oyununu keçirib.
Sportinfo.az xəbər verir ki, 51 yaşlı mütəxəssisin yubileyi iPremyer Liqanın XXV turuna təsadüf edib.
Onun rəhbərlik etdiyi “Qarabağ” səfərdə “Qəbələ” ilə qarşılaşıb. Bu görüşdə ağdamlılar 3:1 hesabı ilə qalib gəliblər.
Qəbələdəki qarşılaşma Qurbanovun bütün komandalarda və turnirlərdə ümumilikdə 700-cü matçı kimi tarixə düşüb.
Burada cəza və ya digər səbəbdən texniki zonadan deyil, kənardan yetirmələrinə rəhbərlik etdiyi görüşlər də nəzərə alınıb.
Qurbanov baş məşqçi karyerasına 2006-cı ilin yayında başlayıb. O, karyerası ərzində üç komandaya rəhbərlik edib.
Qurbanov “Qarabağ”dan başqa, “Neftçi”də 38, Azərbaycan millisində 12 oyunda iş başında olub.
