Argentina millisi DÇ-2022-nin ilk turunda Səudiyyə Ərəbistanına uduzub (1:2).
Sportinfo.az xəbər verir ki, görüşdən sonra xarici KİV-lərdə bu komandalar haqqında bir neçə məlumat diqqət çəkib.
Maraqlıdır ki, Səudiyyə Ərəbistanı komandasının ümumi dəyəri 25,4 milyon avro təşkil edir. Bu da argentinalı hücumçu Lionel Messinin hazırkı qiymətindən (50 milyon avro) iki dəfə azdır.
Argentina yığmasının ümumi dəyəri isə 633,2 milyon avrodur. Bu da Səudiyyə Ərəbistanı millisindən təxminən 25 dəfə çoxdur.
35 yaşlı Messi sözügedən görüşdə 10-cu dəqiqədə penaltini dəqiq yerinə yetirərək 1 qol vurub. Lakin Səudiyyə Ərəbistanı 2 qolla geri dönüş edərək qalib gəlib.
