Azərbaycan millisinin yarımmüdafiəçisi Dmitri Nazarovun vurduğu qol Almaniya üçüncü liqasında sentyabrın ən yaxşısı seçilib.
Sportinfo.az “mdr.de” portalına istinadən xəbər verir ki, Nazarov sentyabrın 30-da “Erzgebirge Aue” – “Meppen” (3:0) görüşündə qol vurub.
Həmin oyunda Nazarovun komandası mövsümün ilk qələbəsini qazanıb. Hazırda Aue klubu 13 turdan sonra 10 xalla 19-cu yerdədi.
Nazarov sonuncu dəfə millinin heyətində Millətlər Liqasının Qazaxıstanla açılış oyununda (0:2) meydana çıxıb.
