Rusiyanın tanınmış idman telekanalı “Matç TV”nin “instagram” səhifəsində vaxtilə Rusiyada top qovmuş azərbaycanlı futbolçular arasında yarış keçirilib.

İzləyici kütləsi 1 milyon nəfəri aşan səhifədə vaxtilə Rusiyada top qovmuş azərbaycanlı futbolçular cütlük şəklində qarşı-qarşıya qoyulub.

1/4, yarımfinal və final mərhələsi formasında keçirilən viktorinada qalib adını ölkəmizin ən sevilən şəxsi qazanıb.

İlk mərhələdə Deni Qaysumovla Nazil Süleymanov “üz-üzə gəlib”. Süleymanov 53 faiz səs çoxluğu ilə Qaysumovu məğlub edib.

Digər cütdə Filip Ozobiçlə (Azərbaycan millisinin hazırkı üzvü) Qurbanov Qurbanov münasibətinə aydınlıq gəlib. İzləyicilərin 60 faizi Qurbanov sevgisini göstərib.

Vaqif Cavadov – David Qarayev mübarizəsindən 57 faiz səslə birinci qalib ayrılıb.

Yarımfinalda Qurban Qurbanovun rəqibi Nazim Süleymanov, Vaqif Cavadovun rəqibi Ramil Şeydayev olub.

Birinci dueldə Qurbanov 57 faiz səslə finala yüksəlib.

Dmitri Kramarenko ilə Ramil Şeydayevin duelində ikinci səslərin 51 faizini toplayaraq cüzi üstünlüklə növbəti mərhələyə yüksəlib.

Vaqiflə Ramilin qarşılaşmasında səs faizi bərabər olsa da (50:50), sonuncu izləyicinin Şeydayevə üstünlük verməsi nəticəsində çempionatımızın hazırkı bombardiri həlledici mərhələdə iştirak edib.

Finalda izləyicilər ən yaxşını seçmək üçün Qurban Qurbanovla Ramil Şeydayev arasında seçim edib. Ölkənin ən tanınan və sevilən futbol adamı rəhbərliyi altında oynayan hücumçuya şans yeri qoymayıb – 56:44.

Beləliklə, “Matç TV”nin izləyiciləri arasında keçirdiyi “Rusiya Premyer Liqasının ən yaxşı azərbaycanlı futbolçusu” yarışında Qurban Qurbanov qalib adını qazanıb.

“Qarabağ”ın hazırkı çalışdırıcısı futbol oynadığı dönəmdə Rusiyanın “Dinamo” (Stavropol), “Baltika”, “Fakel”, “Volqar-Qazprom” kimi komandaların şərəfini qoruyub.

HƏBİB / SPORTİNFO.AZ