Afrika Futbol Konfederasiyası (CAF) 2021/2022 mövsümünün ən yaxşı oyunçusunu açıqlayıb.
Sportinfo.az xəbər verir ki, bu ada "Liverpul"u "Bavariya"ya dəyişən seneqallı hücumçu Sadio Mane layiq görülüb.
30 yaşlı oyunçu sabiq komanda yoldaşı misirli forvard Məhəmməd Salahı və "Çelsi"də çıxış edən qapıçı Eduar Mendini qabaqlayıb.
Sadio Mane ötən mövsüm "qırmızılar"ın heyətində ölkə kubokunu və Liqa Kubokunu qazanıb. Təcrübəli oyunçu ilin əvvəlində Seneqal yığması ilə Afrika Millətlər Kubokuna da sahib çıxıb.

