5 ildir "Bavariya"nın uğurları üçün çalışan Robert Levandovski Bundesliqa tarixinin ən sərrast futbolçuları siyahısında yerini bir qədər də yaxşılaşdırıb.
Sportinfo.az xəbər verir ki, "Hoffenhaym"la ev qarşılaşmasında (1:2) komandasının təsəlli qolunu vuran polşalı forvard siyahıda 4-cü pilləyə yüksəlib.
Bundesliqada 213 qol vuran 31 yaşlı hücumçu Manfred Burqsmüllerlə qol sayını bərabərləşdirib. Siyahıya 365 qolla əfsanəvi Herd Müller başçılıq edir. Klaus Fişer 268, Yupp Haynkes isə 220 qol vurub.
Levandovski Münhen klubundan əvvəl 4 il Dortmund "Borussiya"sının şərəfini qoruyub.