"Bavariya"nın hücumçusu Robert Levandovski Bundesliqada yeni rekord müəyyənləşdirib.
Sportinfo.az xəbər verir ki, "Paderborn"la oyunda (3:2) fərqlənən polşalı futbolçu cari mövsümdə qollarının sayını 10-a çatdırıb. 31 yaşlı forvard bununla Bundesliqanın ilk 6 turunda 10 qol vuran yeganə futbolçu ünvanını ələ keçirib. Buna qədər yerli çempionatda dörd oyunçu - Yupp Haynkes, Herd Müller, Peter Meyer və Lotar Matteus ilk 6 matçda 9 dəfə fərqlənmişdilər.
Levandovski 2014-cü ildən "Bavariya"da çıxış edir.
