“Bayer 04”ün ulduzu Patrik Şik Avropa Liqasının qrup mərhələsində “Qarabağ”la keçirilən oyunda dönüşünü qeyd edəcək.
Sportinfo.az xəbər verir ki, bunu “Bild”ə açıqlamasında Leverkuzen təmsilçisinin baş məşqçisi Xabi Alonso deyib.
İspaniyalı mütəxəssis bildirib ki, Bundesliqanın VIII turunda “Volfsburq”la (2:1) matçın iştirak ərizəsində yer alan çexiyalı hücumçunu riskə atmaq istəməyib:
“Oyun gərgin keçdi, temp yüksək idi. Matçın gedişatı Şikin iştirakına mane oldu.
Düşünürəm ki, o, “Qarabağ”la görüşdə şans qazana biləcək. Onun təxminən 10-15 dəqiqə meydanda olacağına ümid edirəm”.
“Bayer 04” – “Qarabağ” oyunu oktyabrın 26-da “Bay-Arena”da keçiriləcək.