Almaniyanın Qərb Regional Liqasında 28-ci turun oyunları keçirilib.
Sportinfo.az xəbər verir ki, millimizin forvardı Rüfət Dadaşovun çıxış etdiyi "Şalke-2" "Ştralen"in qonağı olub.
Dadaşovun komandası 1:2 hesabı ilə uduzub. Start heyətində meydana çıxan Rüfət sona qədər meydanda olub.
Komandasının yeganə qolunu da azərbaycanlı futbolçu vurub. Dadaşov 90+2-ci dəqiqədə penaltini dəqiq yerinə yetirib.
“Şalke 2” bu nəticədən sonra 31 xalla 20 kollektiv arasında 13-cü pillədə qərarlaşıb.