Bundesliqada çempionu müəyyən etmək üçün yeni sistemin tətbiqi ilə bağlı müzakirələr başlayıb.
Sportinfo.az xəbər verir ki, ideyanı Almaniya Futbol Federasiyasının yeni rəhbəri Donat Hopfen irəli sürüb.
O, çempionun pley-off qarşılaşmalarından sonra bəlli olmasının tərəfdarıdır:
“Əlbəttə, Bundesliqada çempionluq uğrunda daha çox rəqabət olsaydı, bu, cəlbedici olardı. Mənim üçün müqəddəs heç nə yoxdur.
Əgər pley-off sistemi bizə kömək etsə, o zaman bunu müzakirə edəcəyik”.
Onun bu ideyasına “Bavariya”dan cavab gəlib. Münhen nəhənginin idarə heyətinin sədri Oliver Kan ideyanı dəstəklədiklərini bildirib:
“Bundesliqa üçün yeni modellər haqqında düşünməkdə maraqlıyıq. Hətta Çempionlar Liqasında 2024-cü ildən yeni format olacaq, ondan gözləntilər çoxdur.
Bundesliqada yarımfinal və final oyunlarının olması azarkeşlər üçün cəlbedici sayılacaq. "Bavariya" həmişə yeni ideyalara açıqdır”.
