“Bayern” Leverkuzen “Bayer”inin yarımmüdafiəçisi Florian Virtsi transfer etməyi planlaşdırır.
Sportinfo.az xarici KİV-ə istinadən xəbər verir ki, “əczaçılar”ın futbolçusu Münhen klubu tərəfindən 2025-ci ilin yayında əsas transfer hədəfi kimi müəyyən edilib.
“Bayern” başa düşür ki, müqaviləni başa çatdırmaq üçün onlar “Bayer”ə rekord məbləğ – 100 milyon avrodan xeyli çox pul ödəməli olacaqlar.
Buna baxmayaraq, Münhen klubunun mövcud maliyyə vəziyyətini və hazırkı heyətin yüksək maaşlı oyunçularından birinin potensial satışını nəzərə alsaq, bu cür xərcləri ödəməyə kifayət qədər qadirdir.
Virtsin “Transfermarkt” portalında qiyməti 130 milyon avrodur. 21 yaşlı futbolçu ilə “Real” və İngiltərə Premyer Liqasının təmsilçiləri də maraqlanır.
