"Cəbrayıl" “Neftçi”nin bazasında "Lerik"i qəbul edib.
Qarşılaşmada cəmi 1 qol vurulub. Onu da Ruslan Voronsov 66-cı dəqiqədə qonaqların qapısından keçirib.
Bundan 6 dəqiqə öncə meydana daxil olmuş hücumçu Məhərrəm Orucovun cinahdan qapı önünə ötürdüyü topa ayaq qoyaraq toru silkələyib.
Qış fasiləsində “Karvan”dan gəlmiş forvardın daha bir belə imkanı olub. Onda da qapıçı Röyal Əlizadə sayıq tərpənib.
Vəssalam? Deməli, “Cəbrayıl” 85 dəqiqə qonaqların qapısı önündə “keşik çəkib”.
Cavid Hüseynov erkən qol gözləyirdi. O gözləməyində olsun, futbolçuları əllərinə düşən fürsətləri “xərcləməyində”. Axı nə qədər olar. Bir, iki, üç…
Bu 1 xal da əldən çıxa bilərdi. “Lerik” axır dəqiqələrdə ki imkandan birini dəyərləndirsəydi, sonluq sürpriz alınacaqdı.
Xallarını 52-yə yüksəldən "Cəbrayıl" turnir cədvəlinin 2-ci pilləsində qərarlaşıb. 19 xalı olan "Lerik" isə 12-ci yerdədir.
SPORTİNFO.AZ
Neftçi Futbol Mərkəzi (IV meydança). 50 tamaşaçı Baş hakim: Rövşən Rəcəbov Baş hakimin köməkçiləri: Elman Kərimov, Aydın Baxşıyev Dördüncü hakim: Elvin Bayramov Hakim-inspektor: Anar Salmanov AFFA nümayəndəsi: Nəriman Axundov Sarı vərəqələr: Valid Yusubzadə, 44 (qeyri-idman hərəkəti); Mirabbas Qədirli, 87 (hakimin qərarına etiraz) Qol: Ruslan Voronsov, 66 Artırılan vaxt: I hissədə - 1 dəq; II hissədə - 4 dəq.
“Cəbrayıl”
1. Fərman Bayramov
20. Ruslan Əmircanov (k)
4. Vüsal Səfərov
44. Samir İbrahimov
7. Tapdıq Əhmədov
(14. Əliəkbər Şəbiyev, 86)
13. Elşad Əliyev
(17. Nurlan Quliyev, 69)
19. Məhərrəm Orucov
33. Hüseyn Novruzov
(28. Cavid Tağıyev, 46)
22. Əli Nəcəfli
77. Zahir Mirzəzadə
11. Polad İbrahimov
(9. Ruslan Voronsov, 60) Ehtiyat oyunçular:
12. Nurlan Quluzadə
23. Həsən Həsənli Baş məşqçi: Cavid Hüseynov
.jpg)
