«Şahdağ»ın baş məşqçi postunda dəyişiklik olub.
Bəhram Şahquliyev vəzifəsindən istefa verib.
Buna səbəb Qusar təmsilçisinin II Liqanın 18-ci turunda aldığı məğlubiyyətdir.
Belə ki, «Azərenerji»ASC-nin sabiq prezidenti Etibar Pirverdiyevin maliyyələşdirdiyi komanda İmişlidə «Kür-Araz»a 1:3 hesabıyla uduzub.
Beləliklə, mövsüm ərzində 3-cü yenilgisini alan «Şahdağ» liderlər qrupunu tərk eləyib.
Aktivində 10 qələbə və 5 heç-heçə olan şimal kollektivi 35 xalla turnir cədvəlinin 5-ci sıraya yuvarlanıb.
SPORTİNFO.AZ