Milli komandamızın sabiq üzvü Elvin Məmmədovun yenidən böyük futbola qayıdışı dəqiqləşib.
Təcrübəli futbolçu uzun çək-çevirdən sonra İkinci Liqa təmsilçisi "Cəbrayıl"ın təklifinə razılıq verib.
Bu barədə bölgə klubunun baş məşqçisi Cavid Hüseynov saytımıza məlumat verib.
2022/2023 mövsümündə məhz Cavid Hüseynovun baş məşqçisi olduğu “Şamaxı”nın formasını geyinən 35 yaşlı oyunçu ötən yay karyerasını bitirdiyini açıqlamışdı.
“Turan”ın yetirməsi olan Elvin Məmmədov karyerası ərzində “İnter”, “Qarabağ”, “Bakı”, “Zirə”, “Qəbələ” və “Sumqayıt”ın da formasını geyinib.
O, 2008-2017-ci illərdə Azərbaycan millisinin heyətində 38 oyun keçirib, 7 qol vurub.
XANOĞLAN / SPORTİNFO.AZ
