Azərbaycan II Liqasında XIII turun oyunları keçirilib.
"Şəfa" Binədə "Ağdaş"ı qəbul edib.
Qarşılaşma bölgə təmsilçisinin 2:1 hesablı qələbəsi ilə başa çatıb.
"Ağdaş" oyuna fəal başlasa və ardıcıl 3 qol epizodu yaxalasa da, ilk qolu "Şəfa" vurub. Sahib Cümşüdov 26-cı dəqiqədə müdafiəçini qabaqlayaraq, toru silkələyib.
Qonaqlar yalnız son yarım saatda məqsədinə çatıb. Mehman İbadov öncə avtoqola imza atıb.
Özü də nə avtoqol! AFFA tərəfindən diqqətə alınsa, təəccüblənmərik.
Elə növbəti qolu da. Aqil Mirzəyevin 77-ci dəqiqədə «Ağdaş»ı önə çıxardığı fraqment incələnmək üçün yaxşı «material»dır.
«Şəfa»nın arxa xətdə yol verdiyi yanlışları da bura əlavə edək. Aran təmsilçisi bu bölümdə demək olar ki, ev sahiblərinin cərimə meydançasının həndəvərindən çəkilmədi, sadəcə, qol fürsətlərini boşa verməklə yadda qaldılar.
Yoxsa qarşılaşma 5-6 top fərqiylə bitməli idi. 76-cı dəqiqədə meydana ayaq basmış Tamerlan Rizvanovun qaçırdığı fürsəti isə təkrar-təkrar izləməyə dəyər.
Xallarını 15-ə yüksəldən "Ağdaş" turnir cədvəlinin 9-cu pilləsində qərarlaşıb. 4 xalı olan "Şəfa" isə sonuncu yerdədir.
SPORTİNFO.AZ
Binə qəsəbə stadionu. 20 tamaşaçı Baş hakim: Elvin Bayramov Baş hakimin köməkçiləri: Aydın Baxşıyev, Gülnurə Əkbərzadə Dördüncü hakim: Alik Yunusov Hakim-inspektor: Vüsal Əliyev AFFA nümayəndəsi: Emin Cəfərov Sarı vərəqələr: Emil Valehov, 54 (qeyri-idman hərəkəti); Asim Quliyev, 63 (hakimin qərarına etiraz) // Xəyal Əmirli, 77 (hakimin qərarına etiraz); Tamerlan Rizvanov, 80 (qeyri-idman hərəkəti) Qırmızı vərəqə: Loğman Əliyev, 90+2 (rəqibi aşkar qol vurmaqdan məhrum etmək) Qollar: Sahib Cümşüdov, 27 // Mehman İbadov, 60 (ö.q.); Aqil Mirzəyev, 77 Artırılan vaxt: I hissədə - yoxdur; II hissədə - 3 dəq.
“Şəfa”
79. Ayxan Qələndərli
33. Mehman İbadov
77. Sahib Cümşüdov (k)
3. Kamran Kərimov
2. Rəşad Cabbarlı
19. Emil Valehov
55. Loğman Əliyev
5. Fuad Cahangirli
9. Murad Mehdiyev
(28. Elnur Hacıverdiyev, 46)
7. Asim Quliyev
8. Əhməd Babayev Ehtiyat oyunçular:
12. Fərrux Əzizov
23. Cəmil Əliyev Məşqçi: Əli Əliyev
