Həm qol vurdu, həm təpik atdı, o, yenə "hoqqa" verdi - VİDEO+FOTOREPORTAJ

5 Dekabr 2023 17:40 II Divizion 669
Həm qol vurdu, həm təpik atdı, o, yenə "hoqqa" verdi - VİDEO+FOTOREPORTAJ

Azərbaycan II Liqasında XII turun oyunları keçirilir.

"Qusar" Sumqayıtda "Şəki Siti"ni qəbul edib.

Qarşılaşma şimal bölgəsi təmsilçisinin 2:1 hesablı qələbəsi ilə başa çatıb.

Matçda maraqlı hadisələr baş verib. İlk dəqiqələrdən hücuma atılan qonaqlar erkən fərqlənməyə çalışıb.

Onları ən çox Kamranbəy Rəhimov hiddətləndirib. Premyer Liqada səhvlərinə alışıq olduğumuz referi burada da futbolçuların əsəblərini tarıma çəkib.

«Qusar»ın müdafiəçisi Vüsal Hüseynov cərimə meydançası daxilində topun istiqamətini əliylə dəyişsə də, baş hakim penalti nöqtəsini göstərməyib.

Şəkililər 29-cu dəqiqədə Ravil Xəlilovla çoxgedişli və maraqlı hücumu qolla nəticələndirib.

İlk 1 saatın üstündən 2 dəqiqə keçmiş Eşqin Tağıyev bərabərlik qolunu vurub. Qarabağ qazisi olan hücumçu düzgün mövqe seçməklə status-kvonu bərpa etməyə çətinlik çəkməyib.

Bir qədər sonra qusarlıların müdafiəçiləri arasında anlaşılmazlıq yaranıb, topu ələ keçirən Ramin İsmayılov boş qapını nişan almağa gecikib. Kapitan ləng tərpənməklə əlinə düşən fürsəti boşa verib.

88-ci dəqiqədə Tağıyev idmançıya yaraşmayan hərəkətə yol verib. O. rəqibə arxadan təpik vurmağa cəhd göstərdiyindən, meydandan uzaqlaşdırılıb.

Lakin bu, «Qusar»ın ikinci qolu vurmasına mane olmayıb. Nominal ev sahibləri «Şəki»ni əks-hücumda yaxalayaraq, Firudin Ağalarovla istəyinə çatıb.

Xallarını 26-ya yüksəldən "Qusar" turnir cədvəlinin 4-cü pilləsində qərarlaşıb. 20 xalı olan "Şəki Siti" isə 7-ci yerdədir.

SPORTİNFO.AZ

“Kapital Bank Arena” (ehtiyat meydança). 30 tamaşaçı
Baş hakim: Kamranbəy Rəhimov
Baş hakimin köməkçiləri: Vüsal Məmmədov, Samir Qaracayev
Dördüncü hakim: İrşad Aydınov
Hakim-inspektor: Rəhim Həsənov
AFFA nümayəndəsi: Mahal Məmmədov
Sarı vərəqələr: Aslan Hüseynov, 45+1 (qeyri-idman hərəkəti) // Yusif Dilanov, 34 (qeyri-idman hərəkəti); Süleyman Rauflu, 45+1 (qeyri-idman hərəkəti)
Qırmızı vərəqə: Eşqin Tağıyev, 86 (təcavüzkar davranış)
Qollar: Eşqin Tağıyev, 62; Firudin Ağalarov, 89 // Ravil Yusifli, 30
Artırılan vaxt: I hissədə - 1 dəq; II hissədə - 4 dəq.

Qusar”

1. Əli Həsənli
77. Ruslan Poladov
15. Firudin Ağalarov
11. Sərxan Ağayev (k)
2. Emin Əliyev
(5. Elnur Dəmirli, 65)
16. Aslan Hüseynov
8. Orxan Qurbanlı
(7. Nicat Muxtarov, 76)
57. Eşqin Tağıyev
4. Vüsal Hüseynov
13. Viqar Əlibabayev
6. Kazbək Qafarov
(18. İlham Yarəliyev, 83)
Ehtiyat oyunçular:
10. Təyyar Məmmədov
29. Akşin Qurbanlı
26. Mirmehdi Rzayev
Baş məşqçi: Emin Əmiraslanov

“Sheki City”

1. Yusif Mamqayev
5. Ramin İsmayılov (k)
4. Süleyman Rauflu
14. Elçin Ramazanov
(9. İmran Azaxov, 83)
27. Yusif Dilanov
10. Ravil Yusifli
44. Osman Soltanov
11. Ceyhun Rəcəbli
21. Elşən Mustafayev
8. Xaliq Şabanov
77. Ramin Məmmədov
(3. Nicat İmaməliyev, 71)
Ehtiyat oyunçular:

62. Elnar Şabanov
13. Eldəniz Əliyev
60. Tunar Səlimov
Baş məşqçi: Firuddin Mövsümov

Digər Xəbərlər
Xəbər Lenti
22 Fevral 10:00 Ronaldinyo “Survivor”da